Gjashtë njerëz, përfshirë edhe komandantin e Hamasit kanë mbetur të vdekur pas një operacioni të Izraelit në Rripin e Gazas, kanë deklaruar autoritetet palestineze.

Ata thonë se përleshjet kanë zënë vend në lindje të Khan Younis, transmeton portali arbresh.info

Izraeli ka pranuar se ka pasur shkëmbime zjarri gjatë një operacioni dhe ka shtuar se të gjithë ushtarët tanimë janë kthyer në Izrael.

Pas kësaj përleshje, janë dëgjuar sirenat në Izrael, ndërsa Gaza ka lëshuar disa raketa në drejtim të Izraelit.

Kryeministri i Izraelit, Benjamin Netanyahu ka ndërprerë vizitinë e tij në Paris dhe është kthyer urgjentisht në shtëpi.

Një zëdhënes i Hamasit e ka quajtur sulmin “akt qyqar nga ana e Izraelit”.

Militanti i vrarë është  Sheikh Nur Barakeh, një komandant i brigadave Izzedine al-Qassam, krahut ushtarak të Hamasit, në Khan Younis.

Tensionet mes Izraelit dhe Palestinës janë rritur gjatë kohëve të fundit.

Që nga fundi i muajit mars, më shumë se 200 palestinezë në Gaza kanë mbetur të vrarë, shumica e tyre kanë humbur jetën gjatë protestave përgjatë kufirit./arbresh.info/